Non sexus, non condicio, non ordo vel etas,
Nil compellit eam cum pietate pati.
Ciuis et agricola, rex, rusticus, albus et ater,
Doctus et insipiens, diues inopsque simul,
Mitis et impaciens, pius, atrox, equs, iniqus,
Sunt in iudicio, iudice sorte, pares.
Hos premit, hos releuat, leuat hos vt ad yma retrudat,
Interutrumque iocat quos ad vtrumque vocat:
Ludit et illudit rebus, cum lubricus axis
Labitur et secum lubrica queque facit.190