Experimenta docent, quod ab hoc detergere sordes
Feda manus nescit, dum tenet illa lutum.
Presbiter est dictus prebens aliis iter, et si
Erret, tunc errant ducere quosque putat.
Dans sacra siue docens, notat ista loquela, sacerdos
Si malus est, alii sunt magis inde mali.
Non sine stat cura quicumque professus in huius
Ordinis est opere, si bene seruet opus:
Ergo prius videas qui scandere vis, et in illum
Si scandas, facias que iubet ordo tuus:1900