gratatusque darem cum dulcibus oscula uerbis,
nec minus ille meus quam tuus esset honor;
illa, confiteor, sic essem luce superbus15
ut caperet fastus uix domus ulla meos.
dumque latus sancti cingit tibi turba senatus,
consulis ante pedes ire iuberer eques,
et quamquam cuperem semper tibi proximus esse,
gauderem lateris non habuisse locum;20
nec querulus, turba quamuis eliderer, essem,
sed foret a populo tum mihi dulce premi.
prospicerem gaudens quantus foret agminis ordo,
densaque quam longum turba teneret iter;
quoque magis noris quam me uulgaria tangant,25
spectarem qualis purpura te tegeret;
14 minus ... meus quam] meus ... minus quam M minus ... meusque C minor ... meus quam T || tuus add I in marg || 16 ulla] illa BacMac || 17 cingit] cinget MIF2 tanget F2ul || tibi add F2 || 18 iuberer] uiderer unus Vaticanus, probante Heinsio || 19 cuperem add F2 cuper** H || 20 lateris] lateri MFL || 22 sed] sic F || tum] tunc MFH || 23 prospicerem] aspicerem B respicerem Riese || 25-26 damnant Heinsius Bentley || 25 quoque] quodque L utque F2ulM2gl || tangant BC tangunt MFHILT || 26 tegeret] regeret L
signa quoque in sella nossem formata curuli
et totum Numidae sculptile dentis opus.
at cum Tarpeias esses deductus in arces,
dum caderet iussu uictima sacra tuo,30
me quoque secreto grates sibi magnus agentem
audisset media qui sedet aede deus,
turaque mente magis plena quam lance dedissem,
ter quater imperii laetus honore tui.
hic ego praesentes inter numerarer amicos,35
mitia ius urbis si modo fata darent,
quaeque mihi sola capitur nunc mente uoluptas,
tunc oculis etiam percipienda foret.
27-28 damnat Merkel (1884) || 27 curuli] curili I || 28 Numidae edd numidi BCMHILT nimidi F || sculptile] scalpule C scutile F1 sculptile M2c || opus] ebur T || 29 at] et HL || arces] artes Bac || 30 dum] cum CL || iussu] iusso B || 31 grates ex magnus T || 33 plena quam] plenaque CF1 quam plena I || 34 ter] terque B2 || laetus] plenus T || 35 hic] tunc Housman (Owen 1894) hinc Merkel (1884), Schenkl (Owen) sic Merkel (1853) || ego] mihi C || 36 ius urbis si editio Aldina 1502 ius uerbis si B1CMF1IT ius uerbi si H ius nobis si F2 uim uerbis si B2, F3 ut uid si uerbis uim L || 37 quaeque] quoque C, ut uid
non ita caelitibus uisum est, et forsitan aequis:
nam quid me poenae causa negata iuuet?40
mente tamen, quae sola domo non exulat, usus
praetextam fasces aspiciamque tuos.
haec modo te populo reddentem iura uidebit,
et se decretis finget adesse tuis,
nunc longi reditus hastae supponere lustri45
cernet et exacta cuncta locare fide,
nunc facere in medio facundum uerba senatu
publica quaerentem quid petat utilitas,
39 aequis] aequos C || 40 causa] culpa Heinsius || negata] nagata C || iuuet] foret Bac, 'unde uerum eliciendum'—Riese || 41 domo scripsi loco codd foco fort legendum || usus Heinsius utor BCL utar MFHIT utens Williams (utens ... aspiciamque) || 42 aspiciamque] aspiciensque Williams (utar ... aspiciensque) || 43 haec] nec Bac || 44 decretis Korn secretis codd secreto Wheeler || finget] fingit B, C ut uid || tuis] locis Etonensis B. k. 6.18, saec xiii (Lenz), probante Heinsio (secretis ... locis) || 45 longi] longe TF2 (=longae) || lustri] lutri Hac lustra F2ul || 46 cernet P, Gothanus membr. II 121, saec xiii (André) credet BCFHILT cernet M2c || exacta] perfecta M2(gl)I2(gl) || 47 om C || 48 publica] puplica LP || petat] petit M
nunc pro Caesaribus superis decernere grates,
albaue opimorum colla ferire boum.50
atque utinam, cum iam fueris potiora precatus,
ut mihi placetur principis ira roges;
surgat ad hanc uocem plena pius ignis ab ara,
detque bonum uoto lucidus omen apex.
interea, qua parte licet, ne cuncta queramur,55
hic quoque te festum consule tempus agam.
altera laetitiae est nec cedens causa priori:
successor tanti frater honoris erit.
nam tibi finitum summo, Graecine, Decembri
imperium Iani suscipit ille die,60
quaeque est in uobis pietas, alterna feretis
gaudia, tu fratris fascibus, ille tuis;
50 albaue BCI albaque MFHLT || opimorum] primorum IT || 51 iam] tu FT || potiora] maiora P || 52 principis] numinis M || 53 pius] prius Iac || 57 laetitiae est LT laetitia est BCFHI letici* est M laetitiae Heinsius e tribus codd || cedens BCLpcT credens Lac cendens M cedet FHI || 59-60 fort spurii || 59 Graecine] degrecine M1c (= grecine ex decembri[-is?]) || Decembri] decembris M || 60 suscipit] suspicit (Bac)C suscipiet M2(gl) || 61 uobis] nobis (F1)H || alterna] aterna C, ut uid
sic tu bis fueris consul, bis consul et ille,
inque domo binus conspicietur honor,
qui quamquam est ingens, et nullum Martia summo65
altius imperium consule Roma uidet,
multiplicat tamen hunc grauitas auctoris honorem,
et maiestatem res data dantis habet;
iudiciis igitur liceat Flaccoque tibique
talibus Augusti tempus in omne frui!70
cum tamen a rerum cura propiore uacabit,
uota precor uotis addite uestra meis,
et si quae dabit aura sinum, laxate rudentes,
exeat e Stygiis ut mea nauis aquis.
63 fueris consul] consul fueris T fueris B1 || bis consul et ille] bis consul et ipse H et ille Mac || 64 binus] bimus Gudianus 228 (Owen 1894), probante Heinsio || honor] honos L || 65 quamquam] quamque C || nullum] nullium BacP || 67 auctoris] actoris MFI || 69 Flaccoque] flacco T || 71 cum FILT quod BC ut MH quum Weise (Ehwald KB 48) || a] ab B || propiore] propriore CFL || uacabit] uacabis Riese || 72 uotis] uestris Mac || 73 et] quid B, incertum || quae scripsi qua CMFHIL quem BT || sinum] sonum Williams || laxate editio princeps Romana 1471 iactate codd || rudentes] rudentis B || 74 exeat] et exeat C || e BCH a MFILT || Stygiis] stigis Cac