Sed nouit sapiens quanto sit plena dolore
Quidquid formosum mundus gerit et speciosum.
Floris habet morem cui dat natura colorem.
Mox vt siccatur totus color annihilatur,
Postea nec florem monstrat, nec spirat odorem.
Regia majestas, omnis terrena potestas,
Prosperitas rerum, series longinqua dierum
Ibit, et absq: morâ cum mortis venerit hora.
Mundi quid sit honor ego nunc tibi scribere conor.
Nosti quippe satis quam nil ferat vtilitatis.