§45. Hic primae persōnae prōnōmen est proprium,
iste secundae, ille tertiae: e. g.
Quid facere vīs istō tuō baculō?
Hic liber Latīnus, ille Graecus est.
Is plērumque Antecēdēns est Relātīvī Prōnōminis:
e. g.
Imperātōrem vocāmus eum quī imperat.
§46. Alter ad duōs tantum, alius ad plūrēs refert:
e.g.
Alterā manū gladium, alterā iaculum tenēbat.
Ego sōlus restitī, aliī fūgērunt.
Verba.
§47. Verba sunt Trānsitīva et Intrānsitīva.
Trānsitīvum Verbum ita vocātur quia āctiō ēius in
Obiectum trānsit: e.g.
Brūtus Caesarem occīdit.
§48. Persōnae. Persōnālia prōnōmina verbō nōn sunt adicienda nisi discrīminis causā: e.g. Tū pulsās, ego vāpulō.
Impersōnālia sunt quaedam verbam, ut licet, miseret, oportet; pluit.
§49. Tempora verbī sunt novem:
Praesēns Indēfīnītum, Praesēns Imperfectum,
Praesēns Perfectum.
Praeteritum Indēfīnītum, Praeteritum Imperfectum,
Praeteritum Perfectum.
Futurum Indefīnītum, Futūrum Imperfectum,
Futurum Perfectum.