Cel ovraigne fist à saveir
A ses évesques hauz letrez,
E à ses chers barons privez,
Que li furent ami feeil,
E que il sout de haut conseil.
Roberz, li quens de Moretoin,
Qui unt de malveisté n'out soing,
Sis bons frères verais e cerz,
E li quens d'Ou, li proz Roberz,
Li quens d'Evereus, li sachanz,
Richarz li proz e li vaillanz,
E de Beaumunt li quens Rogers,
Qui mult ert saives chevaliers,
E Roger de Mungumeri,
N'est dreiz que lui vos en obli,
E Guillaume le fiz Osber,
Qui puis li out maint grant mester,
E Huges, li vesquens, li proz.
Icist, si cum je's vos nom toz,
Li conseillièrent e loèrent,
E tuit enfin s'i accordèrent,
Que il féist Heraut requerre
De la corone e de la terre,
Saveir e aprendre e oïr
Cum il s'en voudra contenir;
E, son ce qu'il en respondra,
Solom ice se contendra;
Ses messages tost li tramete
E tant dementres s'entremete
De faire assembler la navie
De par trestote Normendie;
Semunge veisins e amis
E ceus qui à lui sunt sozmis,
Que teus apareiz e si granz
Ne fu jostez mais par Normanz,
N'ovre el siècle si envaïe
Que ci seit lor morz ou lor vie.
PAGE 115. Benoit de Sainte-More's account of the apostolic grant to duke William:
L'apostoile se fist mult liez
Dunt si s'esteit humiliez;
Apostolial ottreiance,
Son le poeir de sa puissance,
L'en comanda e vout e dist
E par ses lettres li escrist
Que del conquerre ne se feigne;
Od tot li tramist une enseigne
De saint Père, por demostrer
Qu'à ce li volent ajuer.
Autorité sera e feiz
Que c'est sa corone e sis dreiz
Qu'il vout conquerre: si'n auront
Tuit cil qui oue lui seront
Partot mult maire séurtance
Que ne lor vienge meschaance.
PAGE 115. The parallel accounts of the comet in Wace, Benoit, and Gaimar, are as follow:
WACE.
El terme ke ço estre dut
Une esteile grant apparut,
E quatorze jors resplendi.
Od très lons rais deverz midi;
Tele esteile soit l'en veir
Quant novel rei deit regne aveir.
Asez vi homes ki la virent,
Ki ainz e poiz lunges veskirent:
Comete la deit apeler
Ki des esteiles volt parler.
Dunc en ces jorz si faitement
Aparut sus el firmament,
Une clartez e un planète.
Une resplendisanz comète,
Dunt en eisseient trei grant rai.
Ce lis e truis e vei e sai
Que quinze nuiz durèrent bien.
Si distrent astrenomien
Que c'ert de regnes muemenz
Ou de reis ou de hautes genz.
GAIMAR.
Après lur mort une comète,
Une estoille, dont li prophète
Et li bon astronomien,
Sievent q'espeant mal ou bien,
Se démustra el firmament;
Assez la virent meinte gent
La nuit de Letanie majour
Fist tel clarté cum se fust jour.
Moult plusours homes l'esgardèrent:
Chascuns disoit sa divinaille;
Mès tost seurent la grant contraille,
E la grant tribulacion
Qe prius avint à la région.