Ei ole suimunkana ainusien sulavampien sanasien suimun seätelijäisie surennolla vartuollani sukeijen ilmasien peällä, kun sukie Spoassusen' sukien hyväseni sulavuot sukeijen ilmojen peältä suimun puuvuttel'.
Aivan anhiittomiks armas Spoassusen' armahan hyväseni armahuot aijan puuvutteli peältä armahien ilmasien.
Aivan jäin armottomiks, ankeh vartuoni, armahien ilmasien peällä aijan koalelomah.
Ei ole ainusienkana armahien sanasien asettelijaisie ankehella vartuollani, kuihe loatusie alkanen, ankeh vartuoni, armahien ilmasien peällä assuksentelomah.
Niin tuusitteloo turtivolla vartuollani näinä päivätuomeksuisina. Kuihe loatusie alkanen tuvehien ilmojen peällä tunnon koalella, kun jäin tunnon armottomiks?
Ei ole onehella vartuollani opastelijaisie orheijen ilmojen peällä oloaikasenani, kun orhie hyväseni orheijen sanasien kera opasteli orheijen ilmojen peällä oloaikasenah onehta varruttani kaiken oimullisih hyvih oppisih.
Mairis hyväseni manun ensimäisiks manun aikusina huomenesmalitvuisina mairehien malitvusanasien kera manun ylennytteli malkivoa varruttani ta omilla manu-työhysillä manun asetteli.
Kuihe loatusie alkanen nyt, malkivo vartuoni, manun aivosina huomenesmalitvuisina mairehilta makuusijasilta manun yletä, kun ei ole mairesta hyvästäni manun ylennyttelömäs eikä omilla manutyöhysilläh manun loajittelomas.
Aivan jäin, oneh vartuoni, oksilla istujien orpolintusien oimullisiks orheijen ilmojen peällä oimun koalelomah."
* * * * *