Etkö hotj kannikkaverosien kaihosissa koaloale?
Anna mie, kurja vartuoni, kymmenien kyynelvetysieni keralla kyhän ylentelen kyllä hyvästäni kyllä syntysistä.
Etkö voi kylmänehien kyynäspeähysies varoih kyhän yleneksennellä miun kyhelmöitä eänysieni vassen?
Etkö voi, kaunis hyväseni, kaunehista syntysistä kajon yleneksennellä kalovehtuneijen kantapyöräsies varoih ['kalovehtuneijen kantapyöräsies varoih' = kalvenneiden kantapäittesi varaan] kajon vähäsiks aikasiks?
Mie läksin, kaiho vartuoni, siun kallehuisies kajon etshittelömäh kaihojen vetysieni kera.
En ni kuihe loatusie voinun aikasieni kajon alennutella, kun ei ole siun kallehuisies ollun kajon Olovien aikojen oltuo.
Ei voi vieslövä hyväseni visan yleneksennellä vieslövistä syntysistä vieroneita vetysieni vassen.
Voi, vieslövä Spoassusen', vilujen merien peältä visan ankarat viimatuuluot visan loajitella ta Tuonelan vierimultaset vieslövän hyväseni peältä vierrätellä, hotj visan vähäsiks aikasiks! Mie hotj niillä aikasin vieslöveä hyvästäni silmittelisin vieslövistä syntysistä.
Enämmiksi kaihosikseni kajon loajittautuu kaiholla vartuollani, kun ei kaunis hyväseni kajon yleneksennellyn kaunehista syntysistä.
Enämmiksi tuhmasikseni tunnon loajittautuu turtivolla vartuollani, kun on tuvis Spoassusen' tulomattomilla Tuonelan tiehysillä tunnon loajitellun tuvehen hyväseni.