MICHEL.
A Dieu, Jehanne, vraye pucelle,
Qui est d’icelui bien aymée;
Ayez tousjours ferme pensée.
De Dieu estre sa pastorelle.
PUCELLE.
En nom Dieu, je vueil estre celle
De le servir, s’i luy agrée.
MICHEL.
A Dieu, Jehanne, vraye pucelle,
Qui est d’icelui bien aymée.
PUCELLE.
Mon bon seigneur, vostre nouvelle
De par moy sera réclamée
Au seigneur de ceste contrée,
Par la voye que dictes telle.
MICHEL.
A Dieu, Jehanne vraye pucelle,
Qui est d’icelui bien aymée;
Ayez toujours ferme pensée
De Dieu estre sa pastorelle.
Puis s’en part, et y a pose.