[197] Lors qu’il alloit aprés le troupeau de son pere.
[198] Mais il fut abbatu par la main d’une femme.
[199] Quelquefois le Lion courageux sert de pasture aux plus petits oiseaux, que la roüillure consume le fer, & qu’il n’y a rien qui ne coure risque d’estre endommagé de la plus foible chose.
Or parce que si cet accident fust arrivé, c’eust esté par le moyen de la populace, laquelle sans juger & connoistre ce qui estoit de la raison, se fust jettée à l’impourveu & à l’étourdie, sur ceux qu’on luy auroit mis les premiers en butte de sa fureur ; il n’est pas hors de propos d’avertir & de mettre pour une troisiéme persuasion, que les meilleurs Coups d’Estat se faisant par son moyen on doit aussi particulierement connoistre, quel est son naturel, & avec combien de hardiesse & d’asseurance on s’en peut servir, & la tourner & disposer à ses desseins. Ceux qui en ont fait la plus entiere & la plus particuliere description, la representent à bon droit comme une beste à plusieurs testes, vagabonde, errante, folle, étourdie, sans conduite, sans esprit, ny jugement. Et en effet si l’on prend garde à sa raison, Palingenius dit, que
[200]Judicium vulgi insulsum, imbecillaque mens est.
(in Piscib.)
[200] Le jugement du commun peuple est toujours sot, & son entendement foible.
Si à ses passions, le même ajouste,
[201]Quod furit atque ferit sævissima bellua vulgus.
(in Sagitt.)