[278] D’un œuil droit & non de travers.
[279] Car j’estime que le plus homme de bien est aussi le plus fidelle.
[280] Je ne mets point icy de bornes, & n’y limite point de temps, j’ay témoigné une obeïssance sans fin.
Il faut aussi qu’il soit dégagé d’ambition, d’avarice, de convoitise & de tout autre desir, que de bien servir son Maistre dans l’estat d’une fortune mediocre, honneste, & capable de le delivrer luy & ses plus proches parens, d’envie & de necessité. Car s’il commence une fois à aller au plus à se vouloir avancer dans les charges & dignitez, il ne se pourra pas faire qu’il ne prefere son bien propre à celuy de son Maistre, & qu’il ne se serve premier que luy ; & cela estant, c’est ouvrir la porte à l’infidelité, perfidie & trahison, il n’y aura plus de secret qu’il ne découvre, plus de conseil qu’il n’évente, plus de resolution qu’il ne declare, plus d’ennemy qu’il ne courtise, bref
[281]Publica privatis postponet commoda rebus.
[281] Il preferera son profit particulier au bien public.
S’il desire la grandeur de son Maistre ce ne sera que pour avancer la sienne, à laquelle s’il ne peut parvenir en le servant avec fidelité, il ne fera point de doute de le deservir, de le vendre & livrer à ses ennemis pour satisfaire à son ambition, ou à son avarice demesurée,
[282]Namque ubi avaritia est habitant ferme omnia ibidem
Flagitia, impietas, perjuria, furta, rapinæ,
Fraudes atque doli, insidiæque & proditiones.