Sophonisba.
Si voit on beaucoup de gens conviez à de glorieuses entreprinses par l'esperance de retribution.
Masinissa.
Ouy ceulx à qui la doulceur de vertueusement et bien faire n'est pas assez congneue.
Sophonisba.
Or soit ainsi, et plaise neantmoins à Dieu vous guerdonner de cest euvre pour honorer si pitoyable aide.
Masinissa.
Assez bon loier ay-je eu de Dieu de m'avoir donné le vouloir de dire comme j'espere le pouvoir d'executer chose qui vous est si agreable.
Sophonisba.
Grande modestie et vertu, mais Monsieur que dois-je faire? Car je n'ay, ny veulx avoir volonté ny conseil que le vostre.