Sophonisba.
Entrez donc Monsieur, si la fortune n'est perpetuellement contraire aux bonnes entreprises, Je puis esperer qu'en ceste cy elle me sera aydante: Mais je ne sçay comment en mon cueur ne peult entrer asseurance de rien.
Seconde Intermedie.
Dames
Haulte celeste invisible lumiere
Qui estes source et naissance premiere
Des corps luisans qui restorent le monde
Par le retour de leur clarté feconde
Qui ordonnez que leur course eternelle
Ans mois, et jours, et saisons renouvelle,