Ceste responce est digne de vous, si en faictes comme mieulx vous semblera, pourveu que nous l'ayons.
Masinissa.
Je me retireray doncques en mon logis, pour à part moy penser comment je pourray ensemble satisfaire à vostre voulonté, et à ma foy.
Quatriesme Intermedie.
Dames.
Amour qui des plus haultains
Voluntiers les cueurs attains,
Et non guieres jamais hors
Des gentilz espritz ne sors,
Il n'y à au monde force