P. [62], l. 18: me.—Mss. A 8, 9: mon.
P. [62], l. 20: messires.—Mss. A 8, 9: monseigneur.
P. [62], l. 21: le mes a.—Mss. A 8, 9: les m’a.
P. [62], l. 22: aherite.—Mss. A 8, 9: herite.
P. [62], l. 25 et 26: il vient.... vaillance.—Ms. B 3: il vient de noble courage et de grant vaillance à messire Jaques de faire ce don.—Mss. A 1 à 6, 20 à 22: il vient à messire James de vaillance de faire tel don. Fo 199.—Mss. A 8, 9, 11 à 17, 30 à 33: il vient à monseigneur James de grant vaillance de faire tel don. Fo 175 vo.—Mss. A 23 à 29: il vient à messire James à ce don faire de grant vaillance. Fo 214 vo.
P. [63], l. 4: plus de trois jours.—Mss. A 8, 9: trois jours.
P. [63], l. 5: passet.—Le ms. A 29 ajoute: Et qui là les eust assiegé sans combattre et clos les passages, en eust brief eu grand marché, pour tant qu’ils n’avoyent nulles pourveances et à tous lés estoyent environnés de leurs ennemis.
§ [397]. P. [63], l. 6: Quant.—Ms. d’Amiens: Quant ce vint au soir, li prinches dounna à soupper en sa loge le roy de Franche et tous les seigneurs et chevaliers bannerès et prisons, et les festia et honnoura humblement dou mieux qu’il pot, de leurs pourveances meysmes, car il n’avoient autres. Et assey li prinches le roy Jehan, monseigneur Jakemon de Bourbon, monseigneur Jehan d’Artois, le comte de Nasço, le comte de Ventadour, le comte d’Estampes, le comte de Waudimont et de Genville, le seigneur de Partenai et trois autres vaillans chevaliers à une table moult haulte et bien couverte, et tous les autres seigneurs, barons et chevaliers, as autres tables.
Et servoit toudis li prinches au devant de la table dou roy et par tout les autres tables ossi, si humblement qu’il pooit. Ne oncquez ne se vot seoir à la table dou roy, pour priière que li roys l’en fesist; ains disoit toudis qu’il n’estoit mies encorres si souffissans qu’il appertenist à lui de seoir à le table de si grant prinche et de si vaillant homme que li corps de lui estoit et que moustret avoit à le journée, mais toudis se agenouilloit par devant le roy et disoit: «Chiers sires, ne voeilliés faire simple chierre, se Dieux m’a volut conssentir vostre volloir au jour d’hui; car certainnement messires li roys mes pères vous fera toutte l’ounneur et amisté qu’il porra, et s’acordera à vous si raisounnablement que vous demourrés bon amit enssamble à tousjours. Et si m’est avis que vous avés grant cose et bien raison de vous esleechier, coumment que la besoingne ne soit tournée à vostre gret, car vous avés concquis au jour d’ui le haut non de proèce, et avés passet tous les mieux faisans de vostre costet. Je ne di mies che, sachiés, chiers sires, pour vous lober, car tout chil de nostre partie qui ont veu les ungs et les autres, se sont par plainne science à chou acordé, et vous en donnent le pris et le cappelet, se vous le voullés porter.»
A che point chacuns coumença à murmurer, et disoient entre yaux Franchois et Englès, que noblement et à point li prinches avoit parlet; si le prisoient durement en disant que en lui aroit encorres gentil seigneur, s’il pooit longement vivre et en telz fortunne perseverer. Fo 107.