Ha ! Dieux, ce sont des traicts si sensibles aux ames,
Qu’ils pourroient l’amour mesme eschauffer de leurs flames,
Si plus froid que la mort ils ne m’eussent trouué,
Des mysteres d’amour, amant trop reprouué.
Ie l’auois cependant viue d’amour extresme,
Mais si ie l’eus ainsi elle ne m’eust de mesme,
O mal heur ! & de moy elle n’eust seulement
Que des baisers d’vn frere, & non pas d’vn amant.
En vain cent & cent fois, ie m’efforce à luy plaire,
Non plus qu’à mon desir ie n’y puis satisfaire,