Fait que ie ne suis plus ce que ie soulois estre :
D’où vient que iour & nuict ie n’ay point de repos ?
Que mes souspirs ardens trauersent mes propos,
Que loin de la raison tout conseil ie reiette,
Que ie sois sans suiet aux larmes si suiette !
Ha ! sotte respondoy-ie apres en me tançant,
Non ce n’est que pitié que ton ame ressant
De ces Bergers blessez, te fasche-tu cruelle,
Aux doux ressentimens d’vn acte si fidelle ?
Serois-tu pas ingrate en faisant autrement ?