D. SANCHE.
Ah! divine merveille,
Vous pouvez aujourd'huy me rendre la pareille
Et par vostre bonté me conserver le jour.
CHERIFFE.
Dites moy vostre mal.
D. SANCHE.
Madame c'est amour,
Et le coup dont je meurs vous rend interessee
Puisque c'est par vos yeux que mon ame est blessee
CHERIFFE.
Don Sanche tu sçais trop comme ils sont impuissans
Et tu te plains d'un coup dont ils sont innocens,
Ne les accuses point, sans attraits & sans flames
Ils ne peuvent blesser ny les coeurs ny les ames.
D. SANCHE.
La modestie icy veut couvrir vos mespris
Pour esteindre les feux dont je me sens espris,
Mais si vous l'esperez vostre attente est bien vaine
L'amour seule, ou la mort, peuvent finir ma peine:
Quel remede des deux dois-je esperer de vous,
Prononcez mon arrest, je l'attends à genoux:
Si je suis malheureux au point de vous desplaire
Ordonnez de mon sort je vay vous satisfaire.
Et les traits de la mort en me privant du jour
Chasseront de mon coeur les flesches de l'amour:
Ou si vostre bonté ne vous a pas quittée
Rendez moy la pitié que je vous ay prestée.