La prima volta e l'ultima
Varda che sia sta qua….
Tose onorade….» eçetera
Desso el me cantarà!
M'à visto el barba Bortolo
Ferma a parlar co ti….
Madona! quante ciacole
Desso 'l farà su mi!…
[1] el barba = lo zio.
[2] ciàcole = chiacchiere.
[3] sbragiar = gridare.
[4] filar el rococò = fare all'amore.
NELL'ALBUM
El mar xe verde, çelestin, imenso,
Per questo adoro el mar….
Ne l'ocio tuo, del mar, quando me penso,
Color e imensità vedar me par.
La porpora del lavro e del to' viso,
Cara, pensar me fa
Ai tramonti del sol, al rosso riso
Del çiel in te una sera de l'istà!…[1]
[1] istà = estate.