Litera missa pape per imperatorem Fredericum.
Roma diu titulans, longis erroribus aucta
Corruet et mundi desinet esse caput.
Fata dicunt stelleque monstrant aviumque volatus,
Tociusque subito malleus orbis ero.
Responsiva pape Frederico.
Nitis in cassum navem submergere Petri,
Fluctuat set numquam mergitur illa navis.
Fata silent stelleque tacent aviumque volatus,
Solius est proprium scire fata dei.