Œnotri fugias ardentia munera Bacchi:
Sobria Aminæum temperet unda merum...
Adriacæ blandæ sunt vultu et voce puellæ:
His si credideris, postea nullus eris.
Nec Daphnea tibi circumibit tempora laurus,
Ni vites cupidæ furta proterva Deæ.
Non colit illa Gnidum, non amplius illa Panormum;
Tota habitat veneta mollis in urbe Venus.
Hanc quoque dum vitas, alias vitare memento:
Serpit enim ex illa latius urbe malum.