Illustresque viri Romana a stirpe trahentes
Nomen in emeritos tantae virtutis honores
Intulerant sese medios festumque colebant,
Aurata fulgentes toga sociante caterva.
Ex ipsis devota domus praestantis ab URSA
Ecclesiae, vultumque gerens demissius altum
Festa COLUMNA Jocis, nec non SABELLIA mitis;
Stephanides senior, COMITES, ANNIBALICA proles,
Praefectusque urbis magnum sine viribus nomen.
(l. II, c. 5, 100, p. 647, 648)