(L. S.) Ego Dominicus Bonacursii Dominici, civis et notarius florentinus, imperiali auctoritate iudex ordinarius ac notarius publicus, hoc suprascriptum exemplum attestationis Iohannis Batiste, cum subscriptionibus eorum qui presentes fuerunt, de quibus supra, una cum suprascriptis ser Simone et ser Carulo et ser Tommasio et infrascripto ser Pace, notariis, ad autenticam scripturam prefatam, scriptam manu dicti Iohannis Batiste, coram prefato domino Potestate, diligenter et fideliter auscultavi, et quia utrunque concordare inveni, de ipsius domini Potestatis mandato, me, in eiusdem exempli fidem et testimonium, me subscripsi et signum meum apposui consuetum, dicta die XI dicti mensis augusti MCCCCLXXVIII.
(L. S.) Ego Paces Bambelli Pacis, civis et notarius florentinus, imperiali auctoritate iudex ordinarius ac notarius publicus, hoc suprascriptum exemplum attestationis Ioannis Baptiste, cum subscriptionibus eorum qui presentes fuerunt, de quibus supra, una cum suprascriptis ser Simone, ser Carolo et ser Thomaxio et ser Dominicho Bonacorsii notariis, ad autenticam scripturam prefatam, scriptam manu dicti Ioannis Baptiste, coram prefato domino Potestate, diligenter et fideliter auscultavi; et quia utrumque concordare inveni, de ipsius domini Potestatis mandato, in eiusdem exempli fidem et testimonium me subscripsi et signum meum apposui consuetum, dicta die XI suprascripti mensis anni Domini MCCCCLXXVIII, indictione XI.
(L. S.) Ego Andreas quondam Romuli Laurentii, civis et notarius florentinus, imperialique auctoritate iudex ordinarius notariusque publicus, hoc suprascriptum exemplum, ex auctentica et originali scriptura prefati Iohannis Baptiste, sub nomine domini Iohannis Baptiste et eius manu propria scriptum, fideliter exemplavi; et postmodum, in presentia dicti domini Potestatis, cum dictis ser Simone, ser Carulo, ser Thomasio, ser Domenico et ser Pace, notariis suprascriptis, diligenter cum ipso orriginali auscultavi; et quia utrumque concordare inveni, de ipsius domini Potestatis mandato, ad eius exempli fidem et testimonium, me subscripsi et signum meum apposui consuetum, dicta die XI dicti mensis augusti anni Domini MCCCCLXXVIII, indictione XI, feliciter.
Universis et singulis ad quos presentes advenerint Antonius de Humiolis de Gualdo, Decretorum doctor, reverendissimi in Christo patris et domini domini Raynaldi de Ursinis, Dei et Apostolice Sedis gratia Archiepiscopi Florentini Vicarius in spiritualibus generalis, post salutem, fidem facimus atque testamur. Quod suprascripti ser Simon Grazini Iacobi Grazini et ser Carolus Pieri Betti de Iohanninis et ser Thommas ser Bartholomei Nerii de Orlandis et ser Dominicus Bonaccursii Dominici et ser Paces Bambelli Pacis et ser Andreas Romuli Laurentii et quilibet eurum, tempore preinserti transumpti facti, et satis antea et hodie fuerunt et sunt publici legales auctentici et fide digni tabelliones atque notarii florentini, eorumque et cuiusque eorum scripturis publicis, in quibusvis locis in quibus de ipsi respective notitia habetur, semper, in iudicio et extra, adhibita fuit et adhibetur plena indubia atque intemerata fides, quemadmodum scripturis publicis cuiuslibet alterius fidedigni legalis et publici tabellionis atque notarii; in quorum fidem et testimonium premissorum, presentes literas fieri, et per infrascriptum nostrum et nostre Curie scribam subscribi fecimus, pontificalisque sigilli Curie prefate iussimus impressione communiri. Date Florentie, in Archiepiscopali palatio, anno Incarnationis Dominice milleximo quadringentesimo septuagesimo octavo, indictione undecima, die vero duodecimo mensis augusti.
Ego Mathias Cennis Aiuti, notarius et civis florentinus et dicte Curie Archiepiscopalis Florentine Scriba, ad fidem subscripsi.
Nº X. (Vedi pag. [399].)
ISTRUZIONE DI SISTO IV A MESSER ANTONIO CRIVELLI MANDATO SUO AL RE FERRANDO; SCRITTA MENTRE LORENZO ERA TUTTORA IN NAPOLI E IL RE SI VEDEVA GIÀ MOLTO INCLINATO AD ACCORDARSI CON LUI. FEBBRAIO 1480.
(Tratta dal Codice nº 22, appresso di noi.)