Ipse cruentavit maculis lucentibus Atys,
Quasque Tyros niveas secat, et Sydonia rupes.
Vix locus Eurotæ viridis, cum regula longo
Synnada distincta variat non lumina cessant,
Effulgent cameræ, vario fastigia vitro
In species animosque nitent. Stupet ipse beatas
Circumplexus opes, et parcius imperat ignis.
Multus ubique dies radiis ubi culmina totis
Perforat, atque alio sol improbus uritur æstu.
Nil ibi plebeium, nusquam Temesea notabis