Третий и четвертый отрывки рассказывают о восстаниях «меньших» людей в 1229 и 1270 гг.
I. В лето 6644[77]. Новгородьци призваша пльсковиче 2 и ладожаны, и сдумаша яко изгоните князя своего Всеволода 3; и въса-диша в епископль двор, с женою и с детьми и с тьщею, месяца майя в 28, и стражье стрежаху день нощь с оружием, 30 мужь на день; и седе 2 месяца, и пустиша из города июля в 15, а Володимира сына его прияша, а се вины его творяху: 1. не блюдеть смерд, 2. чему хотел еси сести Переяславли 4, 3. ехал еси с пълку 5 переди всех; а на то много на початый, велев ны, рече, к Всеволоду приступити, а пакы отступити велить. Не пустиша его, донеле же ин князь приде…
В лето 6645, настанущо в 7 марта 6, индикта лета 15 7, бежя Констянтин посадник к Всеволоду, и инех добрых мужь неколико; и въдаша посадницати Якуну Мирославицю Новегороде. В то же лето придет князь Мьстиславиць Всеволод Пльскову, хотя сести опять на столе своем Новегороде, позван отаи новгородьскыми и пльсковьскыми мужи, приятели 8 его: «пойди, княже, хотять тебе опять». И яко услышано бысть се, яко Всеволод Пльскове с братом Святопълком, и мятежь бысть велик Новегороде, не въсхотеша людье Всеволода; и побегоша друзии к Всеволоду Пльскову, и възяша на разграбление домы их, Къснятин, Нежятин и инех много, и еще же ищюще то, кто Всеволоду приятель бояр, тъ имаша на них не с полуторы тысяце гривен, и даша купцем крутитися 9 на войну, нъ сягоша и невиноватых. Потом же Святослав Олговиць съвъкупи всю землю Новгородьскую, и брата своего приведе Глебка, куряны 10 с половьци, идоша на Пльсков 11 прогонить Всеволода; и не покоришася пльсковицы им, ни выгнаша князя от себе, въ бяхуть ся устерегли, засекли осекы 12 все. И съдумавше князь и людье на пути, вспятишася на Дубровьне, и еще рекше: «не проливаим кръви с своею братьею негли Бог управить свои промыслом».
ВОЗМУЩЕНИЕ ПРОТИВ ПОСАДНИКА ДМИТРА
II. Новгородьци же пришьдъше Новугороду 13 створиша вече на посадника Дмитра и на братью его: яко ти повелеша на нов-городьцих сребро имати, а по волости куны брати, по купцем виру дикую и повозы возите, и все зло. Идоша на дворы их грабежьм. А Мирошкин 14 двор и Дмитров зажьгоша, и житие 15 их поймаша, а села их распродаша и челядь, а скровища их изъискаша и поймаша без числа, а избытък розделиша по зубу, по 3 гривне по всему городу и на щит; аще кто потаи похватил, а того един бог ведает, и от того мнози разбогатеша; а что на дъщьках |6, а то князю рставиша…
ВОЗМУЩЕНИЕ ПРОТИВ ТЫСЯЦКОГО ВЯЧЕСЛАВА
III. Възмятеся всь город[78] и поидоша с веца в оружии на тысячьского Вяцеслава, и разграбиша двор его, и брата его Богуслава, и Андреичев владыцня стольника, и Давыдков Софийскаго, и Судимиров; а на Душильця на Липьньскаго старосту тамо послаша грабить, а самого хотеша повесити, нъ ускоци к Ярославу 2, а жену его яша, рекуче: яко ти на зло князя водять. И бысть мятежь в городе велик…
Тъгда отяша тысячьское у Вячеслава и даша Борису Негочевичю, а к князю послаша к Ярославу на том: поеди к нам, забожницье 3 отложи, судье по волости не слати; на всей воли нашей и на вьсех грамотах Ярославлих ты нашь князь, или ты собе, а мы собе. Той же зиме побеже Федор Даниловиць с тиуном 4 Якимом, поимъше с собою 2 княжичя Федора и Александра 5 сыропустыня недели в уторник, в ночь. Тъгда же новгородци реша: дажь что зло съдумав на святую Софию, а побегл, а мы их не гонили, нъ братью, свою есме казнили, а князю есме зла не створили никотораго же; да оно им бог и крест честьныи; а мы собе князя промыслим; и целоваша святую богородицю, яко быти всем одинаковым, и послаша по Михаила 6 в Цернигов Хота Стаминировиця, Гаврилу на Лубяници 7.
В лето 6737 8. Приде князь Михаил из Чернигова в Новъгород, по велице дни Фомине недели исходяче, и ради быша новгородци своему хотению, и целова крест на всей воли новгородьстеи и на всех грамотах Ярославлих; и вда смьрдом на 5 лет дании не платити, кто сбежал на чюжю землю, а сим повеле къто еде живеть, како уставили передний князи тако платите дань. А на Ярославлих любъвницех 9 поимаша новгородци кун много и на Городищанех 10, а дворов их не грабяче, и даша на великыи мост 11 …