hei waz man rîterspîse ‖ den stolzen jegern dô truoc!
Dô sprach der hêrre Sîfrit ‖ ‘wunder mich des hât,
sîd man uns von kuchen ‖ gît sô manegen rât, 10
war umbe uns die schenken ‖ dar zuo niht bringen wîn.
man pflege baz der jegere, ‖ ich wil niht jeitgeselle sîn.
Dô sprach der Niderlende ‖ ‘ir lîp der habe undanc.
man sold mir siben soume ‖ met und lûtertranc
haben her gefüeret. ‖ dô des niht mohte sîn,
dô sold man uns gesidelet ‖ haben nâher an den Rîn.’