Dô sprach von Tronje Hagne ‖ ‘ir edelen rîter balt,
ich weiz hie vil nâhen ‖ einen brunnen kalt
(daz ir niht enzürnet): ‖ dâ sul wir hine gân.’
der rât wart manegem degne ‖ ze grôzen sorgen getân.
Dô si wolden dannen ‖ zuo der linden breit,
dô sprach von Troneje Hagne ‖ ‘mir ist des vil geseit
daz niht gevolgen kunde ‖ dem Kriemhilde man,
swenner welle gâhen: ‖ wold er uns daz sehen lân!’
Dô sprach von Niderlande ‖ der küene Sîfrit
‘daz muget ir wol versuochen, ‖ welt ir mir volgen mit 10