wan ir helde küene ‖ alsô geladen sît 10
daz ir sterben müezet ‖ in Etzelen lant.
swelhe dar gerîtent, ‖ die habent den tôt an der hant.’
Dô sprach in grimmem muote ‖ der küene Hagene
‘daz wære mînen hêrren ‖ müelich ze sagene,
daz wir zen Hiunen solden ‖ verliesen alle en lîp.
nu zeig uns überz wazzer, ‖ aller wîseste wîp.’
Si sprach ‘sît du der verte ‖ niht wellest haben rât,
swâ oben bî dem wazzer ‖ ein herberge stât,