daz schif flôz enouwe: ‖ daz was im leit genuoc.
ê erz gerihte widere, ‖ müeden er began:
doch zôch vil krefteclîche ‖ des künic Guntheres man.
Mit zügen harte swinden ‖ kêrte ez der gast,
unz im daz starke ruoder ‖ an sîner hant zebrast.
er wolde zuo den recken ‖ ûz an einen sant:
dô was dâ heinz mêre: ‖ hei wie schiere erz gebant!
Mit gruoze in wol enphiengen ‖ die edelen rîter guot.
dô sâhens in dem schiffe ‖ riechen daz bluot 10
von einer starken wunden ‖ die er dem vergen sluoc.