¿Duna ba untá imong salapi, cun dinhi untá ang imong amahan? Duna untay acong salapi, cun dinhi sia untá. Sa pagabut se usá ca Oficial nga Frances didto sa corte sa Viena, guipangutana sia sa Emperatriz nga si Teresa, cun mito-o pa ba sia nga ang Princesa N. nga naquita nia cahapon, mao gayud ang babaye nga labing ma-anindut sa calibutan ingón sa guibantug. “Señora: mintubág ang Oficial, minto-o acó niana cahapon”. ¿Naonsa ba ang imong oyo-an? Sayran ta icao, cun naonsa ba sia: ania man dinhi ang siya nga guilingcoran nia sa masubsub. ¿Namatáy ba sia? Namatáy man. ¿Canus-a ba sia namatáy? Dugay na, totoló ca semana. Masaquít ug dacó ang acong casingcasing. ¿Ngano nga dili ca mulingcod? Cun bu-ut ca mulingcod sa acong luyó, mulingcod acó upod; apan cun pauli ca, pauli usáb acó. ¿Bu-ut ca ba magingón canaco, cun naonsa ang igso-on mo? Bu-ut magingón canimo cun naonsa sia. ¿Namatáy ba sia? Ualá sia mamatáy. ¿Naonsa ba sia? Na-adto man sia didto sa Manila. ¿Naonsa ba ang imong mga igso-on? Dili macasuguilon canimo, cun naonsa ba sila, cay dugay na, unúm ca tuig nga ualá silá maquita.
¿Nganong guiablihán mo ang pultá: dili ba maquita mo nga ma-asó dinhi? Naquita co, apan quinahanglan ang pagabli sa ventana, dili nga (labón) ablihán unta ang pultahán. Ang ventana dili ma-abli ug ma-ayo, busa guiablihán co ang ventana. Anus-a ba sirhán mo? Sirhán co igo nga ualáy asó untá. ¿May pulus ba (ang) sa pagsulti ca-ayo? Cun bu-ut quita magto-on ug usá ca pinolongan nga dili caogalingon, may pulus sa pagsulti ca-ayo. ¿Magsama ba ang pulus sa pagsulát ug sa pagsulti? May pulus pa sa pagsulti dili sa pagsulát, apan sa pagto-on ug usa ca pinolongan, quinahanglan ang pagsulát ug ang pagsulti. ¿May pulus ba sa pagsulát sa ngatanán nga guipamolong? Ualáy pulus. ¿Di-in nacuha mo quining libro? Nacuha co didto sa cuarto sa imong amigos. ¿Ma-ayo ba ang pagcuha sa mga libro nga dili caogalingon? Dili ma-ayo, nasayod acó, apan quinahanglan co caná, ug nagasalig acó nga dili manuyó ang imong higala, cay iuli cania igo co basaha.
Quining tao nalain ca-ayo. ¿Hain ba icao natao? Dili acó bu-ut inutug-an canimo. Cun dili icao muatubang cania, dili acó magsulti cania. ¿Onsa-onsaon ba ang pagpamolong ni-ini? Cana dili aráng ipamolong sa binisayá. Quinahanglan ang pag-anad sa mga batang diutay cutub sa pagcabata, sa pagbuhat. Anad man acó sa pagsulát. Dili acó macasangput sa binisayá, cay ualá acoy batasan sa pagsulti. Ang tao usahay mucataoa, usahay muhilac. Cun mahibaló acó untá sa guibuhat mo.... ¿Guitugutan mo ba acó sa pag-adto sa baybayon? Dili ta icao pa-adto-on didto. Dalion mo caná pagbuhat. ¿Ngano nahigaoad si Fernando sa iyang asaoa? Si Tomás nagamahay can Fructuosa ug si Fructuosa can Tomás. ¿Quinsa ba ang may catarungan? Silang duhá ualáy catarungan, cay si Tomás bu-ut mucuha sa mga dula-an ni Fructuosa ug si Fructuosa, bu-ut mucha sa mga dula-an ni Tomás.
¿Asa ba cutub muadto quitá? Muadto quitá cutub sa Singbahán. ¿Muadto ca ba cutub sa subá? Dili; muadto acó cutub sa Daois. ¿Duna bay imong guicaoat usahay? Ualá acóy sugod mangaoat. ¿Duna bay imong guitina? Guitina co ang acong calo. ¿Onsay guitina mo? Maitóm ang guitina co sa calo co. ¿Guipatina mo ba ang imong calo? Verde ang guipatina co sa acong calo. ¿Onsa nga calo ang tua sa bata? Duruhá man ang iyang calo, ang usá maputi ug ang usa maitóm. ¿Asa cutub quining dalan? Didto cutub sa Baclayon ¿Hain ba nagapuyó ang imong higala? Nagapuyó sia dinhi dapit sa dalan. ¿Tua ba ang tanaman sa mga bulac sa imong igso-on nga babae dinhi dapit cun didto ba dapit sa cacahuyan? Tua didto dapit. ¿Masucó ca ba untá, cun muabút untá caron nga adlaoa ang imong inahan? Malipay acó untá hino-o, (rather). ¿Nanuyó ca ba canaco? Dili: nanuyó acó can Valeriana, nga naca-adto sa sayao sa ualáy tingug canaco.
¿Ma-ayo ba ang pagyubit maingón niana (thus) sa mga taong tanán? Guiyubit co ang imong mga visti, dili acó magayubit sa inga taong tanán. ¿Quinsay maingnan ug dagoay sa anác mo? Ualáy maingnan nia ug dagoay. ¿Dili ca ba macapahalayó nianang taoha? Dili acó macapahalayó cania, tungud cay bu-ut sia mag-apas canaco sa lugus (sa linugsa-nay). ¿Ualá ba sia mabu-ang? Tingali cahá. (It may be). ¿Onsay tuyo nia? Ambut. ¿Quinsay tag-iya nianang pusil? Ang acong oyoan maoy tag-iya. ¿Quinsa ba cadtong mga tao? Ang nagavisti ug maputi mao ang acong silingan, ug ang nagavisti ug maitóm, mao ang anác sa mananambal nga nacatampaling sa acong silingan. Daghan man ang mga maquina-admanon didto sa Roma, ¿dili ba mato-od?—nagotana si Milton sa usá ca tao nga taga Roma. Dili man daghan inaingón sa didto ca pa—mitubág ang taga Roma.