Rien que misere en leur vie il n’abonde.
Ledict poëte vse derechef de ces termes, taschant d’exprimer de plus en plus la misere de l’homme :
Quiconque soit en ce monde venu,
Ou raisonnable, ou brutal animal,
Deuant qu’il soit à sa fin paruenu,
Il est certain qu’il n’aura rien que mal.
Que dict ce mesme poëte de la fortune et estat d’Amphiaraüs ?
Extresme amour luy portoit Iuppiter,
Et Apollo l’aimoit aultant ou plus.
Que feirent ilz pour vers luy s’acquitter