Quod domus haec munda, nulli sit in orbi secunda
Nam cum Papalis locus hic sit, et cathedralis
Primatum mundi meruit sine lite rotundi,
Contendat nemo secum de iure supremo,
Omnis ei cedit locus, et reverenter obedit:
Hunc Constantinus in coelum mente supinus
Lepra mundatus intus forisque novatus
Fundavit primus, factum quod in ordine scimus,
Et series rerum cogit nos scribere verum,
Christi successor primus, fideique professor