Impia nam tota dominatur in urbe Mathesis,
Chaldæi volitantque domos atque atria circum:
Tempus ab his, certique dies, horæque petuntur,
Et fortuna, salusque hominum dependet ab astris...
Quidam animos etiam pariter cum corpore nostros
Interitum sentire volunt, unaque resolvi;
Et veteris promissa, novæque uberrima legis
Vana putant, ipsum patriis detrudere regnis,
Si possint, Dominum conantur more gigantum.
Hospitalii Epist., lib. III.